legenda SRAGEN
TUGAS
KETERAMPILAN MENULIS II
Disusun
guna untuk memenuhi tugas Mata Kuliah Keterampilan Menulis II
Dosen
Pengampu : Budi
Waluyo, S. S., M. Pd.
Oleh
:
WAHYU
SULISTIYANINGSIH
K4211065
PROGRAM
STUDI PENDIDIKAN BAHASA JAWA
FAKULTAS
KEGURUAN DAN ILMU PENDIDIKAN
UNIVERSITAS
SEBELAS MARET
SURAKARTA
2012
LEGENDA
NAMA KABUPATEN “SRAGEN”
Ing sejarah, wonten
satunggaling peperangan ingkang dipunsebat Perang Mangkubumen, inggih
menika awit warsa 1746 ngantos 1757, antaraning pasukan Pangeran
Mangkubumi (Hamengku Buwono I) kaliyan tentara Kolonial Walanda.
Pangeran Mangkubumi dipunparingi Tombak Pusaka Keraton “Kangjeng
Kyai Pleret” dening kangmasipun, Sunan Paku Buwono II.
Wonten
ing lampahan perang, Pangeran Mangkubumi kaliyan pasukanipun dugi
Desa Pandak Karangnongko ingkang kalebet tlatah Sukowati. Ing ngriku
Pangeran Mangkubumi damel Pamarintahan Pambarontak. Desa Pandak
Karangnongko dipundadosaken pusat pamarintahan, ugi Pangeran
Mangkubumi ngresmiaken asmanipun dados Pangeran Sukowati.
Awit saking Desa
Pandak Karangnongko mapan wonten ing pinggir Margi Lintas tentara
Kolonial Walanda Surakarta-Madiun, pusat pamarintahan dipunanggep
kirang aman, lajeng dipunpindhah wonten ing Desa Gebang, ingkang
mapan ing wetan kidulipun Desa Pandak Karangnongko. Saklajengipun
menika, Pangeran Sukowati langkung ngluasaken wilayah kakuasanipun
sarta langkung nguataken pasukanipun kanthi dipunsengkuyung dening
sederekipun, Raden Mas Said lan Adipati saking Grobogan, inggih
menika K. R. T. Martopuro.
Pusat
pamarintahan Pangeran Sukowati ing Desa Gebang dipunmangertosi dening
Walandi, lajeng Walandi kaliyan Kasunanan damel rencana badhe nyerang
Desa Gebang, ingkang dipunpimpin dening Patih Pringgalaya, inggih
menika Patihipun Paku Buwono II. Ananging rencana menika
dipunmangertosi dening Pangeran Sukowati, ingkang lajeng pusat
pamarintahan dipunpindhah malih wonten ing Desa Jekawal/ Desa Tangen.
Nalika boyongan
saking gerbang dhateng Jekawal, menika ngliwati Padepokan ingkang
dipunpimpin dening Kyai, inggih menika Kyai Srenggi. Kyai Srenggi
inggih menika salah satunggaling Panglima Perang saking Sunan
Amangkurat ing Kartosuro, ingkang sejatosipun asma asli Kyai Srenggi
inggih menika Tumenggung Alap-alap, ananging supados ngicalaken
jejak, piyambakipun nggantos asma dados Kyai Srenggi.
Nalika Pangeran
Sukowati mampir wonten ing Padepokan, dening Kyai Srenggi dipuncaosi
“Legen” lan “Palawija’. Legen inggih menika unjukan ingkang
memper degan ananging raosipun radi kecut. Pangeran Sukowati
ngraosaken remen lan puas, lajeng panggenan kasebat dening Pangeran
Sukowati dipunparingi jejuluk “SRAGEN”, inggih menika saking
tembung “Pasahan Legen” lan Kyai Srenggi dipunsebat Ki Ageng
Srenggi.
Pusat pamarintahan
wonten ing Desa Jekawal, lan Raden Mas Said kasuwun dados mantu
dening Pangeran Sukowati, ingkang dipundhaupaken kaliyan putrinipun,
inggih menika B. R. A. Suminten.
Komentar
Posting Komentar