Makna Filosofi Panganan Tradisional Jawa
Yaiku
sega kang bentuke kayadene kurucut, ngemu makna filosofi mralambangake
pangarep-arep (harapan) kang sansaya ningkat, luwih becik saka wektu saiki.
Tumpeng biasane digunakake ing adicara upacara adat nikahan, kelahiran, ngedegake
omah, utawa wayah panen. Ing masarakat Jawa, tumpeng cekakan saka “metu dalan
kang lempeng”, tegese urip kanthi dalan kang lurus/rata.
2.
Kupat
Yaiku
panganan kang digawe saka beras kanthi dibungkus nggunakake janur. Kupat
biasane digunakake ing adicara lebaran/bakda. Kupat cekakan saka “ngaku lepat”,
ngemu makna filosofi ngakoni kalepatan/kesalahan.
3.
Apem
Yaiku
panganan kang dimasak kanthi nggunakake cithakan, ujude kayadene serabi
ananging luwihb kandel. Asring digunakake ing samubarang kenduri masarakat
Jawa. Apem saka tembung basa Arab afwan/
affuwun, ngemu makna filosofi maaf/pangapura.
4.
Lemper
Yaiku
panganan kang digawe saka ketan, jerone ana isine abon, daging sapi suwir,
utawa daging ayam suwir, lan dibungkus nggunakake godhong gedhang. Biasane ana
ing adicara nikahan, pengajian, khitanan, arisan, lsp. Lemper cekakan saka “yen
dialem atimu aja memper”, tegese menawa dialem/dipuji aja nganti dadi sombong.
5.
Klepon
Yaiku
panganan kang digawe saka tepung ketan banjur dibentuk bunderan cilik-cilik,
kanthi jeroni isi gula jawa.
6.
Lonthong
Yaiku
panganan kang digawe saka beras lan dibungkus nggunakake godhong gedhang.
Lonthong biasane ana ing adicara sakwise pasa utawa wayah lebaran. Cekakan saka
“olone wis kothong” kang ngemu teges ala/kejelekan wis ilang.
7.
Sega
Wiwit
Yaiku
sega kanthi campuran gudhangan, irisan tempe goreng, endhog godhog, ayam,
rempeyek, gereh, bubuk kacang, lsp. Ngemot tembung “wiwit” duweni teges
ngewiwiti, kang biasane sega wiwit iki digunakake nalika arep ngewiwiti panen
pari. Sega wiwit duweni makna filosofi minangka ujud syukur dhateng Gusti awit
asil panen.
8.
Sambel
Tumpang
Yaiku
masakan yang digawe saka tempe bosok lan dicampur kanth samubarang bumbu.
Biasane dicampuri tahu utawa krecek. Sambel tumpang ngemu makna filosofi
pangarepan kang tansah tumumpang dhateng Gusti
9.
Kolak
Yaiku
panganan kang digawe saka gedhang lan tela kanthi digodhog nggunakake santen
lan gula jawa. Tembung kolak asale saka tembung basa Arab “Khaliq” kang tegese
sang pencipta, ngemu makna filosofi supaya bisa langkung nyerak marang Gusti
minangka Sang Pencipta jagad raya. Kolak biasane digunakake ing sasi pasa.
Komentar
Posting Komentar