Teges, Titikan, Unsur Intrinsik lan Sinopsis Cerkak

TEGESE CERKAK

Crita cekak utawa cerkak yaiku sawijining crita kang diandharake kanthi cekak utawa cendhak

TITIKAN (CIRI-CIRI) CERKAK

1. Critane cendhak
2. Cacahe paraga sithik
3. Nggunakake alur tunggal
4. Perkara kang dicritakake namung siji
5.  Menawa ditulis ora luwih saka 10.000 tembung

 UNSUR INTRINSIK CERKAK

a.       Underan/tema : gagasan pokok kang dadi dhasaring crita

b.      Alur/plot : urutan lakuning crita

1)     Maju : alur kang critane runtut

(pengenalan – wiwit ana perkara – perkara klimaks – parampungan)

2)     Mundur : alur kang critane ora runtut

(wiwit ana perkara – pengenalan – perkara klimaks – parampungan)

(wiwit ana perkara – perkara klimaks – pengenalan – parampungan)

(wiwit ana perkara – perkara klimaks – parampungan – pengenalan)

3)     Campuran : gabungan alur maju lan alur mundur

c.       Paraga lan watak

Jinis paraga

1)     Protagonis : paraga kang duwe watak becik

2)     Antagonis : paraga kang duwe watak ala

3)     Tritagonis : paraga kang duwe watal netral (panengah)

Jinis watak

1)     Fisiologis : ciri-ciri fisik (dhuwur, lemu, kriting, sipit, pesek, lsp)

2)     Psikologis : karakter (sabar, sombong, loma, grapyak, lsp)

3)     Sosiologis : status sosial (sugih, duda, bayan, lurah, guru, tani, lsp)

d.      Setting/latar

1)     Papan panggonan : ing sekolahan, ing sawah, ing lapangan, Sragen, lsp

2)     Wektu : esuk, 08.00, Rebu, tanggal 7, Desember, 2020, lsp

3)     Swasana : rame, sepi, nrenyuhake, adhem, udan, panas, lsp

 

e.       Pamawas/sudut pandang

1)     Pamawas paraga kapisan : penulis nyritakaken kisahe dhewe kanthi tembung “aku”, “kula”, “ingsung”, lsp

2)     Pamawas paraga katelu : penulis nyritakake kisahe wong liya kanthi tembung “dheweke”, “dhekne”, utawa nyebut jeneng

f.        Piweling/amanat : pesen utawa pitutur saka penulis marang pamaca

SINOPSIS CERKAK

     Sinopsis yaiku ringkesan crita kang ujude luwih cendhak, ananging tetep ngemot intining crita