SARWA - SARWI JINISE TEMBUNG #1

 

Teknik anggone gawe tembang kang baku kudu nggatekake paugerane. Kaya ta tembang Pocung kang duweni paugeran 4 gatra, kanthi guru wilangan lan guru lagu 12u - 6a - 8i - 12a, duweni teges gawe tembang Pocung ya kudu kadadeyan saka 4 baris lan cacah wanda (suku kata) kudu 12 - 6 - 8 - 12, dene tibane swara pungkasan kudu u - a - i - a.

Lha carane supaya saben baris cacahe wanda bisa ketemu pas, kudu di othak-athik nggunakake sarwa-sarwi tembung kang bisa ditambah utawa disuda. Tembung kang dikarepake kaya ta tembung plutan, wancahan, uluran, lan garba.

-------------------------------------------------------------------------------------------

Tuladha:

Tembang Pocung baris kapisan kudu ketemu cacah wanda 12

 

"Pra siswa nandhang kahanan kang lumaku"

 

>>>> (pra - sis - wa - nan - dhang - ka - ha - nan - kang - lu - ma - ku) jangkep cacahe 12 wanda/suku kata

ing ukara kasebut ana tembung "pra"

 

Sejatine ngono ukarane "para siswa nandhang kahanan lumaku", ananging cacahe wanda ana 13, dene kang dibutuhake namung lan kudu 12. Saka ukara kuwi mau tembung "para" bisa diplutan dadi "pra" kang tegese tetep padha. Saengga cacahe wanda bisa pas cacah 12.

 

Banjur apa kang diarani tembung plutan? Bisa disimak ing andharan ngisor.

---------------------------------------------------------------------------------

 

Baliswara : tembung kang urutane diwalik

Tuladha :

a.        Putra Anjani dadi Anjani putra

(swara pungkasan “i” dadi “a”)

b.        Anoman sampun malumpat dadi Anoman malumpat sampun

(swara pungkasan “a” dadi “u”)

c.        Sajroning wisma dadi Wisma sajroning

(swara pungkasan “a” dadi “i”)

2.   Plutan : tembung kang disuda wandane ing sisih tengah

Tuladha:

a.       Para dadi pra (suku kata cacah 2 dadi 1)

b.      Kereta dadi kreta (suku kata cacah 3 dadi 2)

c.       Sarana dadi srana (suku kata cacah 3 dadi 2)

3.  Wancahan : tembung kang disuda wandane ing sisih ngarep

Tuladha :

a.       Ingkang dadi kang (suku kata cacah 2 dadi 1)

b.      Agung dadi gung (suku kata cacah 2 dadi 1)

c.       Bapak dadi pak (suku kata cacah 2 dadi 1)

4.  Uluran : tembung kang wandane ditambah

Tuladha :

a.       Ngulon dadi mangulon (suku kata cacah 2 dadi 3)

b.      Gawe dadi agawe (suku kata cacah 2 dadi 3)

c.       Simpen dadi suminpen (suku kata cacah 2 dadi 3)

5.  Garba : tembung loro digabung dadi siji, banjur disuda wandane

Tuladha :

a.       Nara + indra dadi narendra (suku kata cacah 4 dadi 3)

b.      Siti + inggil dadi sitinggil (suku kata cacah 4 dadi 3)

c.     Dhemen + anyar dadi dhemenyar (suku kata cacah 4 dadi 3)