Sulistiya Pratama

Wayang diakui dening UNESCO minangka warisan budaya nalika tanggal 7 November 2003. Crita wayang kuwi sumbere ana 2, yaiku kitab Ramayana lan Mahabharata. Kitab Ramayana kaanggit dening Empu Walmiki, dene Mahabharata dening Empu Wiyasa. Ramayana nyritakake lakon babagan Raja Rahwana kang nyolong Dewi Shinta, garwane Prabu Rama. Menawi Mahabharata nyritakake lakon babagan perang sedulur antarane Pandhawa lan Kurawa ing Kurusetra. Crita Bima Bungkus kalebu salah sawijining lakon kang ana ing sajroning Mahabharata. Ngenani silsilah kulawargane Bima, saged kasimak lumantar bagan ing ngandhap. Tanda  plus (+) nuduhake katrangan rabi / nikah. Tuladha :  Abiyasa + Dewi Ambika, berarti Abiyasa rabi kaliyan Dewi Ambika Dene tandha anak panah ( ¯)   nuduhake katrangan duwe anak . Tuladha : Abiyasa + Dewi Ambika ( ¯)  Destarasta, berarti antarane Abiyasa lan Dewi Ambika duwe anak Destrarasta

  Paugeran tembang macapat ana telu, yaiku guru gatra, guru wilangan, lan guru lagu. Tasih kemutan tegese apa? Menawa sampun kesupen saged maos malih ing  https://www.sulistiya-pratama.xyz/2020/07/paugeran-tembang-macapat.html   Ing ngisor ana salah sawijining tuladha tembang Gambuh : Ana pocapanipun adiguna adigang adigung pan adigang kidang adigung pan esthi adiguna ula iku telu pisan mati sampyoh Saka tembang kasebut saged ka-identifikasi paugerane dadi : Guru gatra                  : 5 gatra Guru wilangan         : 7 – 10 – 12 – 8 – 8                        Guru lagu                 : u – u – i – u – o

Minangka salah sawijining jinis tembang macapat, tembung "Gambuh" duweni teges jumbuh, sreg, sesuai, cocok, pas, lsp. Watak saben tembang macapat uga beda-beda, mligi tembang Gambuh watake grapyak, sumanak, sumadulur, lan ngandharake pitutur.

Paugeran tembang macapat ana telu, yaiku guru gatra, guru wilangan, lan guru lagu. Tasih kemutan tegese apa? Menawa sampun kesupen saged maos malih ing  https://www.sulistiya-pratama.xyz/2020/07/paugeran-tembang-macapat.html   Ing ngisor ana salah sawijining tuladha tembang Sinom : Nuladha laku utama tumrape wong tanah Jawi wong agung ing Ngeksiganda Panembahan Senapati kapati amarsudi sudaning hawa lan nepsu pinesu tapa brata tanapi ing siyang ratri amemangun karyenak tyasing sasama Saka tembang kasebut saged ka-identifikasi paugerane dadi : Guru gatra                  : 9 gatra Guru wilangan         : 8 – 8 – 8 – 8 – 7 – 8 – 7 – 8 – 12                        Guru lagu                : a – i – a – i – i – u – a – i – a

Minangka salah sawijining jinis tembang macapat, tembung "Sinom" duweni teges anom, taruna, srinata, logondhang, weni, pangrawit, lan roning kamal. Watak saben tembang macapat uga beda-beda, mligi tembang Sinom watake tresna asih, canthas, trengginas, luwes, grapyak, lan seneng golek pangalembana.

Tugas Kelas XI : Gaweya tanggapan ngenani video sesorah ing link menika  https://www.youtube.com/watch?v=trpLPIvJL54   ! Tanggapan kang digawe babagan basa kang diucapake, tata ukara kang digunakake, intonasi anggone micara, lan ekspresi praupan para paraga! Digarap ing kolom komentar blog ing sangandhape postingan iki. Ampun kesupen diparingi nama, nomer absen lan kelas. Wonten ingkang kirang gamblang lan kirang mangertos saged nyuwun pirsa. Matur nuwun. Tuladha (contoh) : Paraga ing sesorah menika basanipun sampun sae, ananging tasih kacampuran basa Indonesia, lajeng ukarane ugi sampun runtut, dene intonasine sampun lumayan, lan ekspresi praupane tasih radi katingal kirang PD.

Teks  Eksposisi yaiku sawijining teks kang ngandharake proses utawa tata urutan. Kajaba eksposisi, jinis teks kuwi isih ana kang diarani narasi, deskripsi, argumentasi, lan persuasi. 1. Narasi yaiku teks kang ujude crita utawa dongeng. 2. Deskripsi yaiku teks kang nggambarake objek kanthi rinci utawa cetha 3. Argumentasi yaiku teks kang ngemot argumen utawa pendapat sawijining ahli 4. Persuasi yaiku teks kang duwe ancas menehi pengaruh. Babagan Adat Tradisi Mantu, menika kaperang dados 2 (kalih) proses, yaiku SAKDURUNGE mantu lan NALIKA mantu. Adat tradisi SAKDURUNGE mantu saged ditingali lumantar link : https://www.sulistiya-pratama.xyz/2020/09/tata-cara-sakdurunge-adat-tradisi-mantu.html  (KLIK) Dene adat tradisi NALIKA mantu saged lumantar link : https://www.sulistiya-pratama.xyz/2020/09/tata-cara-nalika-adat-tradisi-mantu.html  (KLIK)

Saperangan tuladha pawarta ingkang kadamel dening para siswa kanthi kelompok saged dipuntingali lumantar link menika : https://www.youtube.com/watch?v=0P2vBwDUgP4 https://www.youtube.com/watch?v=EyGfp4spWHg https://www.youtube.com/watch?v=YMmv9FkC5Yc https://www.youtube.com/watch?v=tGG7K4eXT-Q https://www.youtube.com/watch?v=IbhPILDPVWs